Shymkenttik jas ónertapqyshtyń jobasy EKSPO-2017 kórmesine qoıylýy múmkin
«Ońtústik» týrıstik aqparattyq ortalyǵynda jastar kópshiliktiń nazaryna halyqaralyq mamandandyrylǵan kórmege arnalǵan óz jobalaryn usyndy. Joba avtorlarynyń keıbiri EKSPO-2017 kórmesine joldama alýy ábden múmkin.
Polıtehnıkalyq kolledjdiń ІІІ kýrs stýdenti Sultan Ǵanıuly bıologııalyq jolmen metagendik gaz alýǵa bolady deıdi. Elektr mehanıgi mamandyǵy boıynsha bilim alatyn jastyń aıtýynsha, ózge elderde áldeqashan qolǵa alynǵan jobany Qazaqstanda da júzege asyrsaq, jerdiń shirindisi men maldyń qıyn belgili bir temperatýrada ashytyp, tegin jylý men jaryqqa qol jetkizýge bolady.
Kórmede buǵan qosa jel generatory, ǵalamtor jyldamdyǵyn jaqsartatyn optıkalyq-talshyqty kabel syndy túrli jobalar usynylýda.
Kolledj jáne ınstıtýt stýdentteri qonaqtardy túrli ıdeıalarymen qyzyqtyrý úshin bar kúshterin salypty.
Eger joba avtorlarynyń jumysy joǵary deńgeıde bolsa, uıymdastyrýshylar tarapynan demeýshiler tabylyp, EKSPO-2017 kórmesine joldama alýy ábden múmkin.
Ázirge halyqaralyq kórmege Ońtústik Qazaqstan oblysynan usynylatyn birneshe joba maquldanyp úlgergen. Onyń qatarynda munaı óńdeý zaýyty men Shardaradaǵy sý elektr stantsııasynyń, sonymen qatar lastaýshy býlardy tazartýǵa qatysty jobalar bar.