Shymkenttik jas ǵalymdar qanttan da tátti ónim beretin ósimdik ekti

ShYMKENT. QazAqparat - Shymkenttik jas ǵalymdar qanttyń ornyn basa alatyn ónim alýǵa múmkindik beretin stevııa dárilik ósimdigin ósirýdi qolǵa aldy, dep habarlaıdy QazAqparat tilshisi.

«Bal shóbi» ataýyna ıe bolǵan stevııa ósimdiginiń japyraqtarynan óndiriletin tabıǵı ónim qoldanystaǵy qanttan 15 ese tátti. Sondaı-aq, taǵamnyń dámin qanyq etetin tabıǵı táttiniń baǵasy qoldanystaǵy qanttan arzanǵa túsedi. Ony qantty almastyrýmen birge, farmatsevtıkalyq baǵytta da qoldanýǵa bolady. Bul odan alynatyn dári-dármektiń qarapaıym azamattar úshin qoljetimdi bolýyna sep bolmaq.

«Qazir álemniń aldyńǵy qatarly elderi osy ósimdikti ósirýge kóńil bólip otyr. Sebebi, stevııadan alynatyn bıologııalyq qospa qant dıabetin emdeıtin, as qorytý júıesiniń jumysyn retteıtin jáne júıke júıesine oń áserin tıgizetin qasıetke ıe. Biz osy dárilik ósimdikti óz elimizde ósirip, óndiriske engizýdi kózdep otyrmyz», - deıdi ǵylymı jobanyń jetekshisi, PhD doktory Abdýǵanı Azımov.

Stevııa jylý súıgish ósimdik bolǵandyqtan, Qazaqstannyń klımatyna tózimsiz ári ónýge beıimsiz keledi. Osyǵan baılanysty joba avtorlary ony M. Áýezov atyndaǵy Ońtústik Qazaqstan ýnıversıtetiniń jylyjaı kesheninde júzege asyryp jatyr. Zamanaýı quraldarmen jabdyqtalǵan keshenniń topyraǵy óńdelip, qosymsha mıneraldy tyńaıtqyshtarmen baıytylǵan.

Joba sátti shyqsa, aldaǵy ýaqytta ósimdikti qaladaǵy jylyjaı keshenderinde kóptep ósirý josparlanyp otyr.

Aıta keteıik, qazaqstandyq ǵalymdar jemis aǵashtaryn saqtaýǵa arnalǵan jańa dıagnostıka júıesin ázirlegenin habarlaǵan bolatynbyz.