Shymkenttik turǵyn áleýmettik páter alamyn dep 2 mln teńgesinen aıyryldy

ShYMKENT. QazAqparat - Shymkenttik turǵyn memlekettik baǵdarlama aıasynda úı alamyn dep, 2 mıllıon teńgesinen aıyrylyp qaldy, dep habarlaıdy QazAqparat.

Ol ál-Farabı aýdandyq polıtsııa basqarmasyna 7 jyldan beri biletin tanysynyń ústinen aryzdanǵan. Tanysy páter alyp berý úshin 2 mıllıon teńgesin zańsyz ıemdengen.

«Kúdikti jábirlenýshige Shymkent qalasynan memlekettik baǵdarlama arqyly áleýmettik jaǵdaıy tómen otbasylarǵa berilip jatqan páterlerdiń birin alyp berýge ýáde bergen.

Bul derek Qylmystyq Kodekstiń 190-baby 1-bóligimen sotqa deıingi tergep-tekserýdiń biryńǵaı tizilimine tirkeldi. Polıtsııa qyzmetkerleri jedel-izdestirý jumysyn júrgizdi. Nátıjesinde 36 jastaǵy turǵyny ustalyp, sot aldy tergeý amaldary júrip jatyr», - dep jazdy aımaqtaǵy Polıtsııa departamentinen.

Aıta keteıik, keshe qalada tutynýshylaryn talastyryp qoıǵan dúken ıesi jaýapqa tartylatynyn jazǵan bolatynbyz. Ondaǵy sporttyq kıim satatyn dúken ıesi aktsııa uıymdastyryp, sońy shýǵa aınalǵan. Arzan kıim alǵysy kelgen kópshilik jarnamany estigen boıda dúkenge qaraı lap bergen. Nátıjesinde dúkenge kirýge talasqan tutynýshylar bir-biriniń ómirine qaýip tóndirgen edi.