Shymkenttik sýdıalar marapattaldy

ShYMKENT. QazAqparat – Shymkent qalalyq sotynda Qazaqstan Respýblıkasynyń ulyq merekesi – Táýelsizdik kúnine arnalǵan saltanatty jıyn ótti, dep habarlaıdy QazAqparat tilshisi.

Merekelik sharaǵa ardager sýdıalar, qalalyq, aýdandyq jáne oǵan teńestirilgen sottardyń tóraǵalary men sýdıalary, Shymkent qalasy boıynsha Sottar ákimshisiniń basshylyǵy men qyzmetkerleri qatysty, dep habarlaıdy QazAqparat tilshisi.

Qalalyq sottyń tóraǵasy E.Rahymbekov saltanatty is-sharany ashyp, jınalǵan qaýymdy elimizdiń mańyzdy merekesimen quttyqtap, táýelsizdik jyldarynda elimizdiń jetken jetistikterine toqtaldy. Sot júıesiniń respýblıkany damytýǵa qosqan úlesine erekshe atap ótip, Memleket basshysynyń sot tóreliginiń sapasyn arttyrý jóninde júktegen tapsyrmalaryn oryndaý boıynsha birqatar is-sharalar júzege asqanyn jetkizdi. Buǵan sýdıalar júktemesiniń tómendeýin, sýdıalar qataryna irikteýdi jáne olardyń qyzmetin kásibı turǵydan baǵalaýdy, sottarda jumystyń jańa tásilderin engizýdi, elektrondyq sot tóreligin damytýdy aıtýǵa bolady.

Saltanatty sharada sýdıalar men sot qyzmetkerleri arasynda ótken patrıottyq ánder saıysy uıymdastyrylyp, barlyq qatysýshylarǵa arnaıy dıplomdar berildi. Merekelik jıynda sondaı-aq, uzaq jyldar boıǵy jemisti ári minsiz qyzmeti, sot-quqyq júıesin damytýǵa qosqan sýdıalardyń eńbekteri elendi. Joǵarǵy Sottyń «Sot júıesiniń ardageri» medalimen doǵarystaǵy sýdıa A.Elshibaev, Shymkent qalasy ákiminiń «Alǵys hatymen» Shymkent qalasynyń qylmystyq ister jónindegi sot alqasynyń tóraǵasy E.Janǵazın jáne azamattyq ister jónindegi sot alqasynyń tóraǵasy M.Pármenov marapattaldy. Sýdıalar Odaǵynyń «Úsh bı» qurmet belgisimen qylmystyq ister jónindegi mamandandyrylǵan aýdanaralyq sotynyń tóraǵasy Á.Shahıdınov jáne mamandandyrylǵan tergeý sotynyń sýdıasy S.Aınabekov marapattaldy. Ózge de sýdıalarǵa túrli dárejedegi marapattar men Alǵys hattar tabys etildi.

Merekelik shara sońy kontserttik baǵdarlamaǵa ulasty.