Shymkenttik stýdent iri kólemdegi sıntetıkalyq esirtkimen ustaldy
Ol esirtki kýreri retinde jumysqa áleýmettik jeli arqyly ornalasqan. Sodan qala aýmaǵynda sıntetıkalyq esirtki zattaryn jasyryn oryndarǵa tyǵyp kelgen. Tártip saqshylary kúdiktini qolǵa túsirip, qaltasynan 9 dana sary jáne jasyl tústi túıinshekterge salynǵan esirtki zattaryn tárkiledi. Sondaı-aq jasyryn oryndarǵa tyǵyp ketken taǵy 1 dana túıinshek alyndy.
«Shymkent qalasy polıtsııa departamentiniń qyzmetkerleri «Qarasora-2022» jedel-profılaktıkalyq is-sharasyn qarqyndy júrgizip jatyr. Kezekti reıd barysynda esirtki zattaryn taratýmen aınalysqan joǵary oqý oryndarynyń biriniń stýdenti anyqtalyp, ustaldy. Onyń jasy 19-da. Surastyrý barysynda, ol atalǵan esirtki zattaryn qaladaǵy 3 shaǵynaýdan aýmaǵyna jasyrýǵa bara jatqanyn aıtty.
Saraptama qorytyndysyna saı, tárkilengen zattar 5 gramm sıntetıkalyq esirtki ekeni anyqtaldy» - delingen Shymkent qalasy polıtsııa departamentiniń baspasóz qyzmeti taratqan aqparatta.
Atalǵan fakti boıynsha QR Qylmystyq kodeksiniń 297-baby 3-bóligimen (esirtki, psıhotroptyq zattardy, sol tektesterdi ótkizý maqsatynda daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) qylmystyq is qozǵalyp, sotqa deıingi tergep-tekserý bastaldy. Kúdikti ýaqytsha ustaý ızolıatoryna qamaýǵa alyndy.