Shymkenttik polıtseıler Táýelsizdik kúni merekesin atap ótti

ShYMKENT. QazAqparat – Shymkenttik polıtseılerdiń Táýelsizdik kúnin merekeleýge arnalǵan saltanatty is-sharasy tsırk ǵımaratynda ótti. Merekelik jıynǵa polıtsııa departamenti jeke quramynyń qyzmetkerleri men olardyń otbasy, polıtsııa ardagerleri qatysty, dep habarlaıdy QazAqparat tilshisi.

Saltanatty sharada qalalyq polıtsııa departamentiniń bastyǵy E.M.Jýmahanbetov sóz sóılep, jeke quramdy elimiz úshin ataýly mereke sanalatyn Táýelsizdik kúnimen quttyqtady. Mereke qarsańynda qoǵamdyq tártipti qamtamasyz etip, halyqtyń quqyǵy men bostandyǵynyń qorǵalýy jolynda erekshe kózge túsken tártip saqshylaryn marapattady.

Óz jumysynda úzdik nátıjege qol jetkizgeni úshin 70-ke jýyq ishki ister organdary qyzmetkeri marapattalsa, onyń ishinde Qazaqstan Respýblıkasy Іshki ister mınıstriniń buıryǵymen 11 qyzmetkerge Alǵys hat tapsyrdy.

Sondaı-aq, departament bastyǵynyń buıryǵymen 58 qyzmetker marapattaldy. Saltanatty shara aıasynda departament bastyǵy aýyr jáne asa aýyr qylmystardy ashýǵa kórsetken kómegi úshin sýretshi Nurseıit Ibragımovqa maqtaý qaǵaz tabystady. Al, №4 balalar úıiniń dırektory Nursáýle Tastybaevany tárbıelenýshilerge degen sheksiz qamqorlyǵy men olardyń shyǵarmashylyq damýyna jaqsy jaǵdaı jasaǵany úshin alǵys hatpen marapattady.

Merekelik basqosý balalar úıiniń ónerli tárbıelenýshileri usynǵan kontserttik baǵdarlamaǵa ulasty. Kópshilik qaýym polıtsııa qyzmetkerleriniń jáne tsırk ártisteriniń ónerin tamashalady.