Shymkenttik oqýshylar ІV toqsandy aralas formatta oqıtyn boldy
Qalalyq ákimdiktiń málimetinshe, kontıngenti 300 oqýshyǵa deıingi mektepterde sabaq óte bastaǵan. Al, bilim berý uıymy ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa bolady.
«Bilim berý nysandary «InfoKazakhstan.kz» portalyna tirkelip, Qazaqstan Respýblıkasy Densaýlyq saqtaý mınıstriniń buıryǵynyń talaptaryn saqtaǵan kezde bilim berý obektilerindegi qoǵamdyq tamaqtandyrý qyzmetine ruqsat beriledi. Taǵy bir aıta keterligi, oqýshylarǵa mektepke mindetti mektep formasynda emes, erkin, uqypty jáne jınaqy kıimde bolýǵa ruqsat etiledi. Ata-analarǵa mektep formasyn satyp alýdyń qajeti joq», - dedi sala basshysy.
Al, arnaıy bilim berýdi qajet etetin balalarǵa arnalǵan (onyń ishinde ata-anasynyń qamqorlyǵynsyz qalǵan balalarǵa arnalǵan) arnaıy, mamandandyrylǵan uıymdardyń, arnaıy mektep-ınternattardyń, jalpy tıptegi mektep-ınternattardyń, daryndy balalarǵa arnalǵan mektep-ınternattardyń qyzmeti qalypty jaǵdaıda uıymdastyrylady. Kolledjderdiń 1 kýrs stýdentteri ekinshi semestrde shtattyq rejımde oqıtyn boldy.