Shymkenttik qutqarýshylar Táýelsizdik kúnin atap ótti

ShYMKENT. QazAqparat – Shymkent qalasy tótenshe jaǵdaılar departamentinde 16 jeltoqsan - Táýelsizdik kúnine oraı saltanatty jıyn ótti. Іs-sharaǵa departamenttiń basshylyǵy men jeke quramy, jas qyzmetkerlerdiń ata-analary men ardagerler qatysty, dep habarlaıdy QazAqparat tilshisi.

Merekelik jıynǵa qatysýshylardy departament bastyǵy, azamattyq qorǵaý polkovnıgi Nurbolat Derbısov quttyqtady. Jeltoqsannyń jeli men yzǵaryna qarsy turǵan jastardyń jalyndy rýhy men erlikterin atap ótip, elimizdiń daýshy memleket bolyp qalyptasqandyǵyn atap ótti.

Saltanatty sharada tótenshe jaǵdaılar departamentinde jyldar boıy qyzmet etip, qazirgi tańda qurmetti ardager ataǵyna ıe bolǵan zeınetkerlerdi Ardagerler keńesiniń tóraǵasy V.Vıtkov quttyqtap, marapattady. Sondaı-aq, departamentte dástúrge aınalǵan rásimderdiń biri erekshe kózge túsken jas qyzmetkerlerdiń ata-analary marapattaldy. Bilimdi ári básekege qabiletti urpaq tárbıeleý isine aıryqsha mán bere otyryp, departamentte jyldyń basynda «Jastar jyly – belsendiler jyly» jarııalanǵan bolatyn. Osy aktsııanyń jeńimpazdary ári azamattyq qorǵaý salasynda ózindik úles qosyp kelgen mamandar mereke qarsańynda marapattaldy.

Іshki ister mınıstrligi men TJ komıteti basshylarynyń atynan olarǵa medaldar men tósbelgiler, madaqtaý gramotalary tabystaldy.

Saltanatty is-sharanyń sońynda Sh.Qaldaıaqov atyndaǵy fılarmonııanyń shyǵarmashylyq ujymy kontserttik baǵdarlama usyndy.