Shymkenttik kásipkerler jarnama úshin salyqty artyq tólep kelgen
Shymkent qalasy boıynsha Sybaılas jemqorlyqqa qarsy qyzmetine júgingen kásipker syrtqy jarnamany ornalastyrǵany úshin salyqtardy esepteýdiń zańdylyǵyn qaraýdy suraǵan.
Mán-jaıdy anyqtaý barysynda sáýlet, qala qurylysy jáne jer qatynastary basqarmasynyń laýazymdy tulǵalary jarnama alańdaryn asyra baǵalaǵany belgili boldy. Nátıjesinde 100 myń teńgeden astam qarajat kásip ıelerine qaıtarylǵan.
Antıkordyń usynysy boıynsha sáýlet, qala qurylysy jáne jer qatynastary basqarmasynyń qyzmetkeri tártiptik jaýapkershilikke tartyldy.
Sondaı-aq, Shymkent qalasy boıynsha Sybaılas jemqorlyqqa qarsy qyzmeti Túrkııadan 200 myń dana ınkýbatsııalyq jumyrtqa ákelýge veterınarlyq sertıfıkat ala almaǵan kásipkerdiń de máselesin sheship berdi.
Taýardy eksporttaýshy el bastapqy ilespe qujattarda qate derekterdi kórsetkendikten, veterınarııalyq baqylaýdyń aýmaqtyq ınspektsııasy barlyq mán-jaılardy zerttemeı, sertıfıkat berýden bas tartqan.
Aýmaqtyq veterınarııalyq baqylaý ınspektsııasyna Antıkor joldaǵan usynys hattyń nátıjesinde, kásipker sertıfıkatqa qol jetkizdi.