Shymkenttik kásipker aýyzashar ornyna 500 otbasyna azyq-túlik paketin úlestirdi
Osylaısha, kásipker aýyzashardy erekshe formatta uıymdastyrdy. Іsker azamattyń bastamasyn qoldaǵan «Shymkent dobrıakov klýby» men jastar resýrstyq ortalyǵynyń «Jastar volonterler lıgasy», jýrnalıster men ákimdik qyzmetkerleri, taksı parkiniń ókilderi azyq-túlikti jetkizip berý isinde belsendilik tanytty.
«Bıyl oraza aıy qıyn ýaqytqa tústi. Men Elbasynyń úndeýi men qala ákiminiń úndeýine qoldaý kórsetip, búginde muqtaj jandarǵa kómektesýdi jón kórdim. Dástúr boıynsha, oraza kezinde kópshilik adam aýyz ashar jasaıdy. Men bıyl aýyzashardy osyndaı kómekke almastyrýǵa sheshim qabyldadym. Meniń oıymsha, bul áldeqaıda mańyzdy. Óıtkeni álemniń barlyq dinderinde kómekke muqtaj adamdarǵa árqashan kómek kórsetýge, qoldaýǵa shaqyrady. Men barsha azamattardy bul bastamany qoldaýǵa shaqyramyn. Búginde elimizde qanshama túrli chellendjder bar. Bul jaqsylyq chellendjiniń bastamasy bolsyn», - dedi Baýyrjan Anarbekov.