Shymkenttik dárigerler qatty kúıik shalǵan 10 jasar balaǵa 19 operatsııa jasady

ASTANA. QazAqparat - Shymkentte qatty kúıikten 19 operatsııa jasatqan 10 jasar balanyń jaǵdaıy jaqsaryp keledi, dep habarlaıdy QazAqparat QR Densaýlyq saqtaý mınıstrliginiń baspasóz qyzmetine silteme jasap,

Baspasóz qyzmetiniń málimetterine qaraǵanda, alty aıdan beri aýrýhanada jatqan bala temirjol tósenishinde oınap júrip, elektr togynan qatty kúıik alǵan.

Oqıǵa 2022 jylǵy 9 qarashada Shymkent qalasyndaǵy temirjol vokzalynyń janynda bolǵan edi. Búgingi tańda dárigerler aýyr jaǵdaıda jetkizilgen patsıentke 13 ret terini aýystyrý operatsııasyn jáne 6 nekrektomııa jasady.
Denesi tolyq kúıip qalǵan bala shamamen 3 aı qalalyq balalar klınıkalyq aýrýhanasynyń reanımatsııa bólimshesinde boldy jáne palataǵa aýystyryldy.
Shymkent qalasyndaǵy balalar klınıkalyq aýrýhanasynyń kombýstıolog dárigeri bul jaǵdaı týraly bylaı dedi:

«Patsıent aýrýhanaǵa 2022 jylǵy 9 qarashada óte aýyr jaǵdaıda tústi. Kúıik mólsheri úlken, 65 paıyz boldy. Bizdiń aýrýhanada kúıikpen emdelip jatqan kez jaǵdaıy jaqsardy», - deıdi ol.

«Aýrýhanadaǵy bilikti dárigerler balanyń saýyǵyp ketýi jáne oń nátıjelerge qol jetkizýi úshin qoldan kelgenniń bárin jasaıdy»,-delingen habarlamada.