Shymkenttik boıjetken 9-qabattan sekirmekshi boldy

ShYMKENT. QazAqparat – Shymkentte izdeýde júrgen boıjetken 9-qabattan sekirmekshi boldy, dep habarlaıdy QazAqparat tilshisi.

Kóp qabatty turǵyn úıdiń 9-qabatynda óz-ózine qol jumsamaq bolyp otyrǵan jas qyzdy kórgen jergilikti turǵyn birden polıtsııaǵa habarlaǵan. Meken-jaıǵa dereý jetken 844 jáne 732 avtoekıpaj qyzmetkerleri shuǵyl áreket etti. Maqsat Talqanbaev, Rınat Kadırov jáne Suńǵat Ábilov qyzdy sózge tarta otyryp, qaýipsiz jerge shyǵardy. Jedel járdem shaqyrtyp, azamatshaǵa psıhologııalyq kómek kórsetildi.

«Mán-jaıdy tolyq anyqtaý úshin turǵyn Eńbekshi aýdany polıtsııa basqarmasyna jetkizildi. Oqıǵa bolardan eki kún buryn jaqyndary polıtsııaǵa qyzdarynyń joǵalǵandyǵy týraly aryzdanyp, azamatsha izdeýde bolǵan» - delingen Shymkent qalasy polıtsııa departamentiniń baspasóz qyzmeti taratqan habarlamada.