Shymkentten Saryaǵashqa deıin qosymsha transfer qyzmeti iske qosylady

NUR-SULTAN. QazAqparat - Saryaǵash kýrorttyq aımaǵyna deıin baratyn jolaýshylar úshin jolaýshylar tasymaly qosymsha qyzmet kórsetýdi iske qosady. Bul týraly QazAqparat «Qazaqstan temir jolyna» silteme jasap habarlaıdy.

Jazǵy maýsymda «Jolaýshylar tasymaly» AQ jolaýshylarǵa yńǵaıly bolýy úshin 2021 jyldyń 3 maýsymynan bastap Shymkent stansasynan Saryaǵash kýrorttyq aımaǵyna deıin avtobýstarmen Transfer uıymdastyrý boıynsha qosymsha qyzmetti iske qosady.

Ol úshin jolaýshy Shymkent jáne Saryaǵash qalalaryndaǵy avtobýsqa otyrǵyzý kezinde júrgizýshige qaǵaz túrindegi nemese elektrondyq temirjol bıletin kórsetýi tıis.

«Jolaýshylar tasymaly» AQ logotıpi bar avtobýstar Shymkent temirjol vokzalynyń turaq aımaǵynda jáne Saryaǵash kýrorttyq aımaǵynda jolaýshylardy kútetin bolady.

Jol júrý quny - bir baǵytqa 1800 teńge. 7 jasqa deıingi balalarǵa tegin.

Suraqtar týyndaǵan jaǵdaıda jolaýshylar «105» anyqtama qyzmetine habarlasýdy, al qyzmetter sapasy máseleleri boıynsha biryńǵaı táýlik boıy jumys isteıtin «1433» baılanys ortalyǵyna qońyraý shalýy qajet.