Shymkenttegi tozyǵy jetken turǵyn úıler túbegeıli jańartylady
Shymkent qalasy turǵyn úı basqarmasynyń basshysy Ǵalymjan Ýtenbaev tozyǵy jetken úıler ornalasqan Eńbekshi aýdanynyń ákimimen kezdesti. Kezdesýde renovatsııalyq baǵdarlamany ınvestorlar arqyly azamattyq zańnamaǵa sáıkes júzege asyrý jaıyn qozǵady.
Renovatsııa baǵdarlamasy ákimdiktiń qaýlysymen «Nurly jer» baǵdarlamasy aıasynda bekitildi. Atalǵan baǵdarlama boıynsha tizim jasaqtalyp, turǵyndarmen kelisý jumystary júrgiziledi. Baǵarlamaǵa sáıkes, eger menshik ıesi kelisken jaǵdaıda múlkin rekvızıtsııalaý kezinde onyń quny tolyǵymen óteledi, ótkiziletin múlik úshin ótemaqy nemese salynyp jatqan nysandardaǵy aýdany jaǵynan birdeı páter berý arqyly qamtamasyz etiledi.
Aıta ketý kerek, tehnıkalyq tekserý nátıjeleri boıynsha renovatsııa baǵdarlamasyna tozyǵy jetken 107 turǵyn úı engizilgen. Onyń ishinde Abaı aýdanynda - 56, Ál-Farabı aýdanynda - 43, Eńbekshi aýdanynda 8 turǵyn úı bar.
Kezdesý sońynda bıylǵa birqatar kóppáterli turǵyn úıge kúrdeli jóndeý jumystaryn júrgizý jumystary talqylandy.