Shymkenttegi muqtaj otbasylarǵa kómir tegin taratyldy

ShYMKENT. QazAqparat – Shymkent qalasynda «Meıirim shýaǵy» qoǵamdyq qory «Otbasyǵa jylý syıla 3» aktsııasyn uıymdastyrdy. Atalǵan shara barysynda kópbalaly jáne turmysy tómen otbasylarǵa, jalǵyzbasty analarǵa tegin kómir taratyldy, dep habarlaıdy QazAqparat tilshisi.

Aktsııaǵa 400-ge tarta erikti qatysyp, eki kún boıy óz kómekterin kórsetti. Olar qaladaǵy 200 otbasyna taratylatyn kómirdi tıep berdi. Kómekke muqtaj otbasylar aldyn ala saýalnama júrgizý barysynda anyqtalǵan bolatyn. Al sharaǵa qajetti qarajat eriktilerdiń arnaıy «Meıirim konvertterine» qosa, jeke kásipkerlerdiń qoldaýy jáne blogerlerdiń áleýmettik jelilerde aqparattandyrýy arqyly jınaldy.