Shymkenttegi qoımadan merzimi ótip ketken dári-dármek jáne onyń merzimin aýystyratyn qurylǵy tabyldy

ShYMKENT. QazAqparat – Shymkenttegi qoımadan merzimi ótip ketken dáriler, onyń merzimin aýystyrýǵa arnalǵan tehnıkalyq qurylǵy, 36 jyl buryn shyqqan bınt, 350 lıtr dezınfektsııalyq suıyqtyq tabyldy, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.

«Komıtetke qarasty Shymkent qalasyndaǵy Ekonomıkalyq tergeý departamentiniń qyzmetkerleri qala prokýratýrasy jáne Taýarlar men kórsetiletin qyzmetterdiń sapasy men qaýipsizdigin baqylaý basqarmasy qyzmetkerlerimen birlese júrgizgen is-shara barysynda dárilik zattardy, spırt jáne spreılerdi zańsyz saqtaý faktisin anyqtady.

Tekseris barysynda spırt suıyqtyǵyn daıyndaýǵa arnalǵan stanoktar, dárilik zattardyń qoldaný merzimin aýystyrýǵa arnalǵan tehnıkalyq qurylǵylar tárkilendi», delingen habarlamada.

Jalǵa alynǵan qoımadan 50 ml kólemdegi 230 myń dana bos shyny quty, dezınfektsııalyq suıyqtyq quıylǵan 70 bes lıtrlik ydys, 148 qoraptaǵy 9 myń qoldaný merzimi ótip ketken «Sýprıma Lorı» dárisi, 1 950 dana 30 ml flakondaǵy aq suıyqtyq, 3 bes lıtrlik jenshen tundyrmasy, jalpy salmaǵy 15 keli bolatyn 4 qapshyqtaǵy qoldaný merzimi ótip ketken «Mýkaltın» untaq dárisi tárkilengen.

Sonymen birge 1984 jyly shyqqan 6 qorap medıtsınalyq bınt, 4 qapshyq untaqqa uqsas zattar tabyldy.

Atalǵan derek Shymkent qalasynyń Taýarlar men kórsetiletin qyzmetterdiń sapasy men qaýipsizdigin baqylaý basqarmasyna tıisti jaýapkershilikke tartý máselesin qaraý úshin joldandy.