Shymkenttegi ınfektsııalyq statsıonarda 394 naýqas koronavırýstan emdelýde
Shymkentte ótken táýlikte koronavırýstyń 85 jaǵdaıy tirkeldi. Onyń ishinde 46 adamda belgileri bar bolsa, 39-da belgileri joq. Іndet juqtyrǵan 21 adam ınfektsııalyq statsıonarǵa jatqyzylyp, 64 adam úı baqylaýyna alyndy.
Qazirgi tańǵa mamandandyrylǵan ınfektsııalyq statsıonarlarda tósek oryn tolymdyǵy 47 paıyzdy quraıdy. Infektsııalyq statsıonarda 394 naýqas emdelip jatsa, 48 naýqas jansaqtaý bóliminde jatyr.
Bir táýlik ishinde qalada 324 adam vaktsına aldy (I komponent – 172, II komponent – 152). Egý naýqany bastalǵaly barlyǵy 594 774 adam vaktsınalandy. Onyń ishinde 581 276 adam vaktsınanyń eki komponentin saldyrdy. Pfizer vaktsınasynyń I komponentin 32 622 adam, II komponentin 14 067 adam qabyldady. Sondaı-aq 72 230 adam revaktsınalandy.
Qala aýmaǵynda sanıtarlyq-epıdemıologııalyq talaptardyń saqtalýyna monıtorıng júrgizetin 40 mobıldi top jumys istep jatyr.