Shymkenttegi etnoaýylda órt shyqty
10:10, 26 Tamyz 2021
ShYMKENT. QazAqparat - Shymkent qalasyndaǵy etnoaýylda órt shyqty, dep habarlaıdy QazAqparat. Bul týraly TJM resı ókili Talǵat Ýálı málimdedi.
«26 tamyzda túngi saǵat 00.49-da «101» basqarý pýltine Ál-Farabı aýdanyndaǵy Sapaq Datqa kóshesi boıynda ornalasqan «Shymqala» etnoaýyl aýmaǵynda órt shyqqany týraly habar kelip túsken. Etnoaýylda qurylys jumystary júrgizilip jatqan.
Órt sóndirý bólimderi shaqyrtýǵa 7 mınýtta kelgen. Oqıǵa ornynda etonoaýyl aýmaǵynda ornalasqan kólemi 80 sharshy metr bastyrma jáne kólemi 8 sharshy metr qoranyń qamys tóbesi janǵandyǵyn anyqtady», delingen habarlamada.
Órt saǵat 01:10-da oqshaýlanyp, saǵat 01:19-da tolyǵymen sóndirildi. Oqys oqıǵadan eshkim zardap shekpegen. Qazir órttiń shyǵý sebepteri anyqtalyp jatyr.
Órtti sóndirýge Shymkent qalalyq TJD Órt sóndirý qyzmetiniń 25 qyzmetkeri men 5 tehnıkasy jumyldyryldy.