Shymkenttegi dúrbeleń. Tergeý materıaldary sybaılas jemqorlyqqa qarsy is-qımyl agenttigine joldandy

ShYMKENT. QazAqparat – Shymkent qalasy polıtsııa departamentiniń baspasóz qyzmeti basshysynyń sýıtsıdke barýy boıynsha sotqa deıingi tergeý materıaldary Sybaılas jemqorlyqqa qarsy is-qımyl agenttiginiń Shymkent qalasy boıynsha departamentine joldandy, -dep habarlaıdy QazAqparat tilshisi.

Bul týraly aqparatpen Shymkent qalasy polıtsııa departamenti jelidegi paraqshasynda bólisti.

Sondaı-aq, Jedel basqarý ortalyǵy qyzmetkeriniń aryzyna baılanysty sotqa deıingi tergeý toqtatyldy.

«Olardyń arasynda týyndaǵan janjal QR QK 131-baby «qorlaý« boıynsha ekeni anyqtaldy. Osyǵan sáıkes QR QPK-niń 35-baby negizinde sotqa deıingi tergeý toqtatyldy. Óz kezeginde qyzmetkerge azamattyq tártippen sotqa júginýge quqyǵy bar ekendigi túsindirildi» - delingen habarlamada.

Aıta keteıik, osydan birshama ýaqyt aldyn Shymkent qalasy polıtsııa departamenti baspasóz qyzmetiniń jetekshisi Móldir Bekeeva dep kórsetilgen aýdıojazba áleýmettik jelide tarap, talqyǵa túsken bolatyn. Onda áıel adamnyń qyzmetkerine jekip sóılep, bylapyt sózder aıtqanyn estýge bolady. Keıinnen Jedel basqarý ortalyǵynyń qyzmetkeri qylmystyq is qozǵaý týraly baıanat jazdy. Onyń habarlamasy QR Qylmystyq kodeksiniń 378-baby «Bılik ókilin qorlaý» boıynsha tirkelgen.

Al, áleýmettik jelide jazba qaldyrǵan Shymkent qalalyq polıtsııa departamentiniń baspasóz hatshysy Móldir Bekeeva óz-ózine qol jumsamaq bolǵan. Keshe túnde aýrýhanaǵa túsken ol áli esin jıǵan joq.