Shymkenttegi balalar saz mektebine Nurǵısa Tilendıevtiń esimi beriledi

ASTANA. QazAqparat – Shymkent qalasyndaǵy № 3 balalar estetıkalyq saz mektebine kúıshi, dáýlesker dombyrashy, Qazaq KSR Halyq ártisi Nurǵıǵa Tilendıevtiń esimi berilmek. Bul týraly ashyq talqyǵa shyǵarylǵan Úkimet qaýlysynda kórsetilgen, dep habarlaıdy QazAqparat tilshisi.

«Shymkent qalasynyń bilim basqarmasynyń «№ 3 balalar estetıkalyq saz mektebi» memlekettik kommýnaldyq qazynalyq kásipornyna Nurǵısa Tilendıevtiń esimi berilsin», - delingen qaýlyda.

Eske sala keteıik, buǵan deıin Úkimet qaýlysymen Túrkistan oblysyndaǵy 26 mektep pen 3 kitaphanaǵa tarıhı qazaq tulǵalarynyń esimi berilgen bolatyn.

Sondaı-aq, Qostanaıdaǵy halyqaralyq áýejaı ult ustazy Ahmet Baıtursynulynyń, al Oral áýejaıy Keńes Odaǵynyń Batyry Mánshúk Mámetova esimimen ataldy.