Shymkenttegi avtoparkke dızel otynyn jetkizý máselesi sheshildi - agenttik

ASTANA. QazAqparat - QR Qarjylyq monıtorıng agenttigi Shymkentte qoǵamdyq kólikterge arnalǵan dızel otynynyń lıtrin 230 teńge somasynda jetkizý máselesi sheshilgenin jarııalady, dep habarlaıdy QazAqparat tilshisi agenttiktiń Telegram kanalyna silteme jasap.

Atap aıtqanda, bul jaǵdaıǵa qatysty jolaýshylar tasymalymen aınalysatyn iri kompanııa basshylyǵy másele kótergen. Olar avtobýstarǵa otyndy 265 teńgeden satyp alyp kelgen.

Qarjylyq monıtorıng agenttigi departamentiniń qyzmetkerleri Shymkent qalasy boıynsha dızel otyny baǵasyn tekserip, osy oraıda atalǵan otyn túrin jetkizý is-sharalary retteldi.

Bul turǵyda Shymkentte qoǵamdyq kólikterge arnalǵan dızel otynynyń lıtri 230 teńgeden jetkiziledi. «Shymkent Bus» JShS-na qajet otyndy tıisti mólsherde jetkizý máselesi sheshildi. Endi avtopark aı saıyn 20 mıllıon teńgeden astam qarjysyn únemdeı alady.

«Jalpy, janar-jaǵarmaıǵa qatysty alypsatarlardyń zańsyz is-qımyldaryna Qarjylyq monıtorıng agenttigi men «Atameken» palatasy birlese tosqaýyl qoıatyn bolady», - delingen vedomstvo habarlamasynda.

Budan buryn habarlanǵandaı, byltyr tamyz aıynda Energetıka mınıstrliginiń memlekettik retteý belgilengen bólshek saýdada ótkiziletin munaı ónimderine shekti baǵalardy belgileý týraly buıryǵy kúshine endi.