Shymkentte jyr músháırasy ótip jatyr

ShYMKENT. QazAqparat – Elimizdiń úshinshi megapolısinde «Shymkent - shattyq shyraǵy» atty jyr músháırasy ótýde. Jas aqyndardyń basyn qosqan baıqaýdy Shymkent qalalyq ishki saıasat jáne din isteri basqarmasynyń tapsyrysymen «Serpilis» qoǵamdyq qory uıymdastyryp otyr, dep habarlaıdy QazAqparat tilshisi.

Qazaqstannyń Tuńǵysh Prezıdenti-Elbasy Nursultan Nazarbaevtyń jáne QR Prezıdenti Qasym-Jomart Toqaevtyń el halqyna arnaǵan Joldaýlary aıasynda uıymdastyrylǵan shara jastar arasynda aqyndyq ónerdi dáripteýge baǵyttaldy. Jas aqyndarǵa qoldaý kórsetý men jas urpaqty otansúıgishtikke tárbıeleý, halyqtyń mádenı-rýhanı aıasyn keńeıtý bolyp tabyldy. Atalǵan qordyń tóraıymy Beısenkúl Narymbetovanyń aıtýynsha, baıqaýǵa 40 shaqty ótinim túsken. Olardyń arasynan tek 12-si irikteýden ótti. Músháırada aqyndar Shymkent qalasy, Táýelsizdik jáne erkin taqyryptaǵy óleńderin oqyp, jyrsúıer qaýymdy rýhanı azyqpen sýsyndatýda. Aqyndar sondaı-aq, el Táýelsizdigin jyrlap, patrıottyq baǵyttaǵy shyǵarmalaryn tanystyrýda. Baıqaý qorytyndysymen júldeli oryndarǵa ıe bolǵan jas aqyndar dıplomdarmen, maqtaý qaǵazdarymen jáne baǵaly syılyqtarmen marapattalatyn bolady.