Shymkentte jylý tarıfteri tómendedi

ShYMKENT. QazAqparat - Tabıǵı monopolııalardy retteý komıtetiniń Shymkent qalasy boıynsha departamenti jergilikti atqarýshy organ shyǵyndardy jabýǵa memlekettik bıýdjetten bólingen qarajat esebinen «Qýatjylýortalyq-3» MKK-nyń jylý energııasyn óndirý, berý, bólý jáne onymen jabdyqtaý qyzmetterine tarıfterdi tómendetti, dep habarlaıdy QazAqparat.

«Qýatjylýortalyq-3» MKK-nyń jylý energııasyn óndirý, berý, bólý jáne onymen jabdyqtaý qyzmetterine memlekettik bıýdjetten bólingen qarajatqa júrgizilgen taldaý qorytyndysy boıynsha, 2020-2022 jyldarǵa 2 mlrd 356 myń teńgeden astam soma bólingen.

Osyǵan baılanysty, departament «Qýatjylýortalyq-3» MKK-nyń qyzmetterine bir jyl merzimge ýaqytsha ótemdik tarıfter bekitti.

Nátıjesinde, qoldanystaǵy tarıften 4 637,13 teńgege nemese 41,35% tómendetilip ortasha bosatý tarıfi 6577,70 teńge/Gkal QQS-syz qurady. Aldyńǵy qoldanystaǵy ortasha bosatý tarıfi 11214,83 teńge/Gkal bolǵan.

Tómendeý tutynýshylardyń barlyq toptaryn qamtıdy.

Tómendetilgen tarıfter 2023 jylǵy 1 qańtardan bastap qoldanysqa engizilip, 31 jeltoqsanǵa deıin jalǵasady.