Shymkentte jylý qubyrlaryn aýystyrý jumystary qazan aıyna deıin jalǵasady

ShYMKENT. QazAqparat - Shymkentte jylý qubyrlaryn aýystyrý jumystary qazan aıyna deıin jalǵasady. Bul týraly qalalyq turǵyn úı-kommýnaldyq sharýashylyǵy bóliminiń mamandary málimdedi. Olardyń sózinshe, jylý maýsymyna daıyndyq jumystary belgilengen keste aıasynda júrgizilip jatyr, dep habarlaıdy QazAqparat HAA tilshisi.

ıAǵnı, ortalyqtandyrylǵan jylýmen qamtamasyz etilgen 1 811 kópqabatty turǵyn úıdiń 1 307-si búginde jylý qabyldaýǵa tolyǵymen daıyn.  1 130 turǵyn úımen kelisimshart jasalǵan. Bul kórsetkish qaladaǵy jalpy turǵyn úı qorynyń 62 paıyzyn quraıdy. Al, shahardyń soltústik bóligindegi tozyǵy jetken jalpy uzyndyǵy 139 shaqyrymdy quraıtyn jylý qubyrynyń 38% jańartylmaq.  Sondaı-aq, ońtústik bóliginde 13 shaqyrymdyq ishki oramdyq jylý júıeleri aǵymdaǵy jóndeýden ótken.

«Ázirge 1 307 kópqabatty turǵyn úı jylý qabyldaýǵa daıyn. Qala aýdandary boıynsha daıyndyq kórsetkishterin saralaıtyn bolsaq,  Abaı aýdanynda - 304 úı (71%), ál-Farabı aýdanynda - 444 (72%), Eńbekshi aýdanynda - 380 (72%) jáne Qarataý aýdanynda - 179 (72%) kópqabatty úıde daıyndyq jumystary aıaqtaldy», - deıdi qalalyq turǵyn úı-kommýnaldyq sharýashylyǵy bólimi basshysynyń orynbasary Nurlan Jamankóz.

Nurlan Jamankózdiń sózinshe, negizgi jylý jelilerin qaıta qurý jumystary boıynsha bıyl «Nurly jol» baǵdarlamasy aıasynda respýblıkalyq bıýdjetten qajetti qarajat bólinip, jalpy uzyndyǵy 5,2 shaqyrymdy quraıtyn jylý júıeleri jańartylǵan. Al ishki oramdyq jylý júıelerine aǵymdaǵy jóndeý jumystaryn júrgizý úshin oblystyq bıýdjet esebinen qarajat qaralǵan. Qalanyń ońtústik aımaǵynda atalmysh jumystar 70, al soltústik aımaǵynda 85 paıyzǵa aıaqtalyp otyr.

Qazan aıynyń alǵashqy juldyzyna deıin jumystar tolyq tapsyrylýy tıis. Nátıjesinde, qalanyń soltústik bóligindegi tozyǵy jetken jalpy uzyndyǵy 139 shaqyrymdy quraıtyn jylý qubyrynyń 38 paıyzy jańartylmaq. Sondaı-aq, qalanyń ońtústik bóliginde 13 shaqyrymdyq ishki oramdyq jylý júıeleri aǵymdaǵy jóndeýden ótken. Belgilengen  kestege sáıkes, qazan aıynyń 15-juldyzynda ortalyqtandyrylǵan jylý júıesine qajetti sýdyń tolyq qýatynda jiberiledi dep kútilýde. Jylýdy jetkizý mindetin «3-Energoortalyq» AQ-y, al oǵan daıyndyq jumystaryn júrgizý «3-Qýat jylý ortalyǵy» memlekettik kásiporny júzege asyrady.

Óz kezeginde sınoptıkter shym shaharda bıylǵy kúz aılary ylǵaldy bolmaq jáne jaýyn-shashyn mólsheriniń artýyna qaramastan, jyly aýa raıy saqtalady dep boljap otyr.