Shymkentte jyl sońyna deıin apatty mektepterdiń máselesi sheshiledi
Elbasynyń «5 ınstıtýtsıonaldyq reformany júzege asyrý boıynsha 100 naqty qadam» - Ult Josparynyń Shymkent qalasynda atqarylýy men qalanyń damý tujyrymdamasynyń júzege asyrylý barysyn baıandaǵan qala basshysy bul jumystardyń aldaǵy bes jyldyq damý kontseptsııasy aıasynda jasalatynyn jetkizdi.
2016 jylǵa 29 mlrd teńge qarastylyp otyr. Bul qarjy, eń aldymen, qaladaǵy kommýnaldyq jáne abattandyrý máselelerin sheshýge jumsalady. Bólingen aqshaǵa qaladaǵy 8 eldi mekenge aýyz sý, 5 eldi mekenge káriz, 5 eldi mekenge elektr jaryǵyn, 2 eldi mekenge gaz tartýǵa, 28 kóshe men 231 aýlany jaryqtandyrýǵa, «Nursát» shaǵyn aýdanyndaǵy ortalyq alleıa men «Mártóbe» saıabaǵyn qaıta quryp, №17 shaǵyn aýdandaǵy gúlzardy kóriktendirýge jumsalady.
Sonymen qatar, jyl sońyna deıin qaladaǵy birqatar kósheler men ótkelder qaıta qurylyp, transport salasynda birqatar sharýalar atqarylady.
«Turǵyn úı qurylysyn damytý aıasynda bıyl 1 260 páterli 19 turǵyn úı paıdalanýǵa beriledi.
Bilim berý nysandaryn damytý boıynsha 4 jańa mektep, 4 mekteptiń qosymsha qurylysy, 1 apatty mektep jáne 1 balabaqsha qurylysy júrgiziledi. Sonyń esebinen, 2016 jyly apatty mektepter, 2018 jylǵa deıin úsh aýysymdy mektepterdiń máselesi tolyǵymen sheshiletin bolady», - dedi Ǵ.Ábdirahymov.