Shymkentte jyl basynan beri 1110 adam COVID-19 ınfektsııasynan qaıtys bolǵan
Bul týraly Shymkent qalasy ákiminiń birinshi orynbasary Shyńǵys Muqan Ortalyq kommýnıkatsııalar qyzmetinde ótken brıfıgide aıtty.
«Shymkent qalasynda jyl basynan beri koronavırýs juqtyrǵan 34 337 naýqas anyqtaldy. Emdelip shyqqan naýqastardyń sany – 32 682. Ókinishke qaraı, 1110 naýqas qaıtys boldy. Qazirgi tańda 1317 naýqas emdelip jatyr, onyń ishinde 805 naýqas úı jaǵdaıynda ambýlatorlyq em qabyldap jatyr. Statsıonarda 512 naýqas em qabyldaýda. Ótken táýlikte COVID-19 ınfektsııasyn juqtyrýdyń 126 jaǵdaıy tirkeldi», - dedi ákimniń orynbasary.
Sondaı-aq, Shyńǵys Muqan qalanyń medıtsınalyq mekemeleri epıdahýaldyń 3 stsenarıi boıynsha daıyndyq ústinde turǵanyn baıandady.
«Kovıdtiń yqtımal tolqynyna úsh stsenarıı boıynsha daıyndyq júrgizilgen bolatyn. Birinshi aǵymdaǵy jaǵdaı boıynsha 1 290 tósek-oryn jumys istep tur. Ekinshi stsenarıtsı boıynsha, epıdemıologııalyq jaǵdaı nasharlasa, tósek-oryn sanyn 4 016-ke deıin artady. Úshinshi stsenarıı boıynsha epıdemıologııalyq daǵdarys oryn alsa, 5 416 tósek-oryn ashylady. Qalada 1363 tósek-oryn jasaqtalyp tur. Epıdemıologııalyq jaǵdaıdyń turaqtalýyna baılanysty qalada 25 tamyzdan bastap 1780 tósek-oryn jabyldy», - dedi qala ákiminiń birinshi orynbasary.