Shymkentte júzik salý toıyna 60-tan astam qonaq jınalǵan
Shymkent qalalyq polıtsııa departamentiniń baspasóz qyzmeti atap ótkendeı, Eńbekshi aýdanynyń polıtseıleri Táýke han dańǵyly boıynda ornalasqan meıramhananyń karantın talabyn saqtamaı, toı ótkizip jatqanyn anyqtady.
Atalǵan toıhana epıdahýalǵa qaramaı, 60 adamǵa arnalǵan júzik salý toıyn ótkizgen.
Sonymen qatar, mekeme jumysshylary kelgen qonaqtardyń dene temperatýrasyn teksermeı kirgizip, olarǵa medıtsınalyq maskasyz qyzmet kórsetken.
Atalǵan jaıt boıynsha, mekeme ákimshisi men toı ıesine QR ÁQBtK 425 -babymen (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) shara qoldaný úshin sanıtarlyq-epıdemıologııalyq baqylaý basqarmasyna joldandy.
Óz kezeginde Shymkent qalasy polıtsııa departamentiniń qyzmetkerleri qala turǵyndary men qonaqtaryn karantın rejımin qatań saqtaýǵa shaqyrady.