Shymkentte jigitimen ursyp qalǵan boıjetken kópirden sekirip ólmek boldy

ShYMKENT. QazAqparat - 102 telefonyna habarlasqan jergilikti turǵyn Temirlan tasjolynyń boıyndaǵy kópirden boıjetken qyzdyń sekireıin dep turǵanyn jetkizgen, dep habarlaıdy QazAqparat tilshisi.

Kezekshi bólimniń ınspektory sol sátte atalǵan aýmaqty patrýldep júrgen polıtsııa qyzmetkerlerine habarlaǵan.

Oqıǵa ornyna dereý jetken patrýldik polıtsııa polkiniń 10-shy rotasynyń ınspektorlary Marat Isahanov pen Abylaıhan Ábenov kópirdiń qorshaýynda turǵan qyzben sóılesip, mundaı asyǵys áreket jasamaý qajettigin túsindirgen.

Boıjetkenniń kóńili bir sát basqa jaqqa aýǵanyn paıdalanǵan polıtseıler ony ustap alyp, qaýipsiz jerge jetkizdi.

Ári qaraı tártip saqshylary jedel járdem shaqyrǵan.

Qyzben profılaktıkalyq áńgime júrgizildi.

Boıjetken jigitimen janjaldasyp, sodan keıin osyndaı sharasyz qadamǵa barǵanyn aıtty.