Shymkentte jer úı órtenip, eki adam kóz jumdy
17:18, 07 Tamyz 2023
ShYMKENT. QazAqparat – Shymkentte jeke turǵyn úı órtenip, eki adam qaza boldy, dep habarlaıdy QazAqparat tilshisi.
Oqıǵa ál-Farabı aýdanyna qarasty Tsıalkovskıı kóshesinde boldy. Órt oryn alǵan aýmaqta 100 sharshy metr ǵımarat qulap, 60 sharshy metr alańdaǵy saraı men jolaýshylar kóligi janyp ketti. Sondaı-aq oqıǵa ornynan 70 jáne 38 jastaǵy turǵyndardyń máıitteri tabyldy.
«Órtti sóndirýge Shymkent qalasy Tótenshe jaǵdaılar departamenti Órt sóndirý qyzmetiniń 31 qyzmetkeri men 7 tehnıkasy, Apattar medıtsınasy ortalyǵy fılıalynyń brıgadasy tartyldy. Órttiń sebebi men materıaldyq zalaldyń mólsheri anyqtalyp jatyr. Sot-medıtsınalyq saraptama taǵaıyndaldy», - delingen Shymkent qalasy Tótenshe jaǵdaılar departamenti taratqan aqparatta.