Shymkentte jemqorlyqqa jol bergen 6 laýazymdy polıtseı qyzmetinen bosatyldy
Buǵan deıin Sybaılas jemqorlyqqa qarsy is-qımyl departamentiniń qyzmetkerleri patrýldik polıtsııa polkiniń ınspektorynyń 70 myń teńge kóleminde aqsha alý deregin qujattaǵan bolatyn. Osyǵan baılanysty polıtsııa departamentiniń jeke quramy boıynsha ınspektsııa qyzmettik tergeý júrgizdi.
8 qyrkúıekte tergeý nátıjeleri tártiptik komıssııanyń qaraýyna usynyldy. Komıssııa patrýldik polıtsııa polkiniń komandırin, onyń eki orynbasaryn, rota komandırin, onyń orynbasaryn jáne vzvod komandırin sybaılas jemqorlyq qylmysyna jol bergeni úshin atqaratyn laýazymynan bosatý týraly sheshim shyǵardy. Shymkent qalasy polıtsııa departamentiniń bastyǵy D.Taev olardy qyzmetten bosatý týraly buıryqqa qol qoıdy.
«Kúdikti polk ınspektory polıtsııa bedelin túsirgeni úshin jumystan shyǵaryldy. Ustalǵan polıtseıge qatysty QR QK-niń 366-baby «para alý» boıynsha sotqa deıingi tergeý júrgizilip jatyr. Ol qamaýda. Polıtsııa departamentiniń basshylyǵy budan bylaı zań buzýshylyqqa jol bergen qyzmetkerlerge qatysty qatań sharalar qabyldaıtyn bolady», - delingen Shymkent qalasy polıtsııa departamentiniń baspasóz qyzmeti taratqan aqparatta.