Shymkentte «Jelbire meniń jalaýym» atty patrıottyq shara ótti
Qalalyq ishki saıasat jáne din isteri basqarmasynyń Rýhanı jańǵyrý bólimi uıymdastyrǵan aktsııada jastar QR Memlekettik ánuranyn shyrqap, turǵyndarǵa jalaýshalar taratyldy. Sondaı-aq, elimizdiń týy men eltańba, ánurany jaıynda saýalnama júrgizildi.
«Ulttyq nyshandaǵy merekeniń mereıi ústem. Kók týdy teńdigimizge, eltańbamyzdy, ánuranymyzdy bıik tuǵyrymyzǵa balaımyz. Biraq elimizde tótenshe jaǵdaı toqtaǵanymen, karantındik shekteýler alynǵan joq. Soǵan baılanysty aktsııany qaýipsizdik sharalaryn saqtaı otyryp, ótkizip jatyrmyz. Ulttyq rýhty oıatatyn merekelik estafeta ótken, aldyńǵy jyldary qolǵa alynǵan bolatyn. Bıylǵy chellendjge de kez kelgen otansúıgish azamat qatysa alady»,-dedi rýhanı jańǵyrý bóliminiń meńgerýshisi Záýre Oralbaeva.
Ultymyzdyń ulylyǵyn, tarıhymyzdyń qasıetin tanytatyn aktsııa sonymen qatar «Abaı» saıabaǵy, «Arbat» demalys aımaǵy «Dendrosaıabaq», Eńbekshi aýdanyndaǵy «Sever» saýda ortalyǵynda jalǵasyn tapty.