Shymkentte jappaı tártipsizdikter úshin neshe adam ustaldy
«Qazirgi ýaqytta Ulttyq aldyn alý tetigi men Adam quqyqtary jónindegi ýákildiń Úılestirý keńesiniń músheleri Іshki ister mınıstrligimen, prokýratýra organdarymen tyǵyz ózara is-qımyldy júzege asyrýda. Shymkent qalasy prokýratýrasynyń resmı málimetine sáıkes, qazirgi ýaqytta ishki ister organdaryna 3521 adam jetkizildi, onyń 498-i ákimshilik jaýapkershilikke tartyldy. Prokýratýra 178 narazylyq shyǵardy, sonyń nátıjesinde 146 adam bosatyldy, 32 adamǵa qatysty aıyppul túrindegi jaza eskertýge aýystyryldy», - dedi Sh. Hasanova Ortalyq kommýnıkatsııalar qyzmetinde.
Spıkerdiń aıtýynsha, ákimshilik jaýapqa tartylǵan tulǵalardyń 380-i Shymkentte, 107-i Túrkistan oblysynda, 3-i Almaty oblysynda, 4-i Tarazda, 2-i Atyraýda jáne bireýi Aqtaýda turady.
Qalǵan 3034 adammen profılaktıkalyq áńgime júrgizilip, bosatyldy.
«4-7 qańtar aralyǵynda bolǵan jappaı tártipsizdikter barysynda jasalǵan quqyqbuzýshylyq faktileri boıynsha 15 qylmystyq is qozǵaldy. Osy qylmystyq isterdiń barlyǵy Shymkent prokýratýrasynyń arnaıy prokýrorlarynyń is júrgizýinde jatyr. Quramyna prokýratýra, sybaılas jemqorlyqqa qarsy qyzmet, ІІB, PD qyzmetkerleri kiretin 52 qyzmetkerden turatyn vedomstvoaralyq jedel-tergeý toby quryldy.
Shymkent qalasynyń máıithanasyna jappaı tártipsizdikterge qatysqan 18 adamnyń máıiti kelip tústi, olar keıinnen jerleý úshin týystaryna berildi», - dedi Shahnoza Hasanova.