Shymkentte jalǵan nómir taǵatyndar azaımaı otyr

ShYMKENT. QazAqparat - Sáýir aıynan bastap «Sergek Qorǵaý – qaýipti júrgizýshi» baǵdarlamasynyń kómegimen Shymkentte 192 073 ákimshilik quqyqbuzýshylyq anyqtaldy, dep habarlaıdy QazAqparat otyrar.kz-ke silteme jasap.

Onyń ishinde, jalǵan memlekettik nómir taǵyp júrgen – 71, avtokólik terezesin kúńgirttep alǵan – 6145, tıisti ruqsatynsyz qaıta jabdyqtalǵan kólik quralyn basqarǵan 1598 tulǵaǵa ákimshilik hattama toltyryldy. Qozǵalystyń qarsy jolaǵyna shyqqan – 431, baǵdarshamnyń tyıym salynǵan túsine (sıgnalyna) ótip ketken – 1394, jaıaý júrginshige basymdyq bermegen – 879, kólik quralyn basqarýǵa quqyǵy joq 1023 júrgizýshi belgili boldy. Sondaı-aq, basqarý quqyǵynan aıyrylǵan – 48, ózge de quqyq buzýshylyqtar boıynsha 180484 hattama toltyrylyp, 4364 avtokólik aıypturaqqa jetkizildi.

«Qorǵaý – qaýipti júrgizýshi» baǵdarlamasynyń kómegimen jyl basynan beri 8217-den astam jol qozǵalysy erejesin buzǵan 3590 júrgizýshi ustaldy.

Aıta ketetin jaıt, jol qozǵalysy kezinde erejeni eskermeıtin júrgizýshiler úlken qaýip tóndiredi. Osyndaı jǵdaılardyń aldyn alý barysynda «Qorǵaý» qosymshasy tártip saqshylarynyń jumysyn jedeldetti. ıAǵnı, avtomattandyrylǵan júıeniń kómegimen qaýipti júrgizýshini tez arada anyqtaýǵa múmkindik týdy.