Shymkentte zańsyz qarý jasap, ony satyp otyrǵan qylmystyq top músheleri sottaldy
6 aqpanda Shymkent qalasy ál-Farabı aýdandyq soty atys qarýyn zańsyz jasaýmen jáne ony ótkizýmen aınalysqan qylmystyq top múshelerine úkim shyǵardy.
«Atap aıtqanda K. Dreılıng QR QK 287-baby 4-bóligi (« Qarýdy, oq-dári, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý ) jáne 288-baby 2-bóligi (« Qarýdy zańsyz jasaý») boıynsha kináli dep tanylyp, 5 jylǵa sottaldy» delingen habarlamada.
ıÝ. Razın osyǵan uqsas qylmys jasaǵany úshin 4 jylǵa bas bostandyǵynan aıyryldy. R. Ibragımov pen V. Zavzın 3 jáne 4 jylǵa shartty túrde sottaldy.
Eske sala keteıik, 2019 jylǵy shildede UQK organdarynyń arnaıy operatsııasy nátıjesinde atalǵan qylmystyq top áreketiniń joly kesildi. Olar Reseıden Qazaqstanǵa qarý ákelip, ony jasyryn jaǵdaıda jaýyngerlik etip qaıta jasaǵan.
Zańsyz aınalymnan 8 «Kalashnıkov» avtomaty, 2 «Makarov» pıstoleti jáne olarǵa oq-dári alyndy. Qarýdy túrlendirýmen aınalysqan tseh joıyldy.