Shymkentte XVIII jazǵy Azııa Oıyndarynyń jeńimpazdary 1 mln teńgeden aldy

ShYMKENT. QazAqparat - Búgin Shymkent qalasynyń ákimi Ǵabıdolla Ábdirahymov Azııa oıyndarynyń jeńimpazdary men bapkerlerin marapattady. Jarysta top jaryp, el namysyn abyroımen qorǵap kelgen sportshylarymyzǵa qurmet kórsetip, alǵysyn bildirdi, dep habarlaıdy QazAqparat tilshisi.

XVIII jazǵy Azııa Oıyndarynan jeńispen oralǵan Shymkenttik sportshylar men olardyń bapkerlerine 1 mln teńgeden berildi. Al, ekinshi oryn alǵandarǵa - 500 myń teńge, úshinshi oryn ıegerlerine 300 myń teńgeniń sertıfıkaty tapsyryldy.

Eske salsaq, 2018 jyldyń 18 tamyzy men 2 qyrkúıegi aralyǵynda Indonezııanyń Djakarta jáne Palembang qalalarynda ótken XVIII jazǵy Azııa Oıyndarynda Shymkent qalasynyń 36 sportshysy 19 sport túrinen qatysyp, 14-i júldeli oraldy. Al, jalpy esepte Qazaqstan 15 altyn, 17 kúmis, 44 qola medalǵa ıe bolyp, 9 orynǵa turaqtaǵan edi.

Birinshi oryn alǵandardyń qatarynda kórkem gımnastıkadan Alına Ádilhanova men Daıana Ábdirbekovlar bar. Olar jekeleı jáne komandalyq jarysta top jardy. Eskek esý men kanoeda esýden Inna Klınova 200 metr qashyqtyqta І oryn, komandalyq tórttikte ІІ orynǵa turaqtady. Júldemen oralǵan sportshylar qatarynan Irına Podoınıkova - Tımofeı jáne Sergeı Emelıanovtar, Sevara Nyshanbaeva, Galbadrah Otgontsetseg, Marııa Dmıtrıenko, Elmır Alımjanov, Dmıtrıı Koblov, Danııar ıÝldashev, Pırmammad Alıev jáne Ersultan Muzapparovtar bar.