Shymkentte úsh balanyń anasy 5-qabattan sekirip ólmek boldy

ShYMKENT. QazAqparat - Shymkentte polıtseıler 5 qabatty úıdiń tóbesinen sekirmek bolǵan jas áıeldi qutqardy, dep habarlaıdy QazAqparat.

102 pýltine «Adııa» turǵyn úı kesheniniń turǵyndarynan qońyraý tústi.

Olar belgisiz adamnyń kópqabatty úıdiń tóbesine kóterilip, óz-ózine qol jumsamaq bolǵanyn habarlady.

Kezekshi jedel túrde patrýldik polıtsııa polkiniń barlyq ekıpajdaryna habarlama tastady.

Shaqyrýǵa birinshi bolyp 1-rota qyzmetkerleri Qanat Bıshınov pen Beıbit Nurpeıisov keldi.

Patrýldik polıtseıler birneshe mınýt ishinde óz ómirin qaterge tigip, kópqabatty úıdiń tóbesine kóterildi jáne áıeldi áńgimege tartyp, nazaryn aýdarý arqyly oıynan qaıtaryp, qutqaryp qaldy.

Qala turǵyny aýdandyq polıtsııa basqarmasyna jetkizildi.

Belgili bolǵandaı, áıeldiń úsh balasy bar. Áńgimeden keıin polıtseıler ony kúıeýine tapsyrdy.

Óz kezeginde jubaıy tártip saqshylaryna qyzmeti úshin alǵys aıtty. Áıel qazir otbasymen birge.