Shymkentte úsh aýysymdy mektep máselesi bıyl tolyǵymen sheshiledi

ShYMKENT. QazAqparat – Shymkentte úsh aýysymdy mektepterdiń máselesi bıyl tolyǵymen sheshiledi. Bul týraly Shymkent qalasy bilim basqarmasynyń basshysy Janat Tájıeva málimdedi, dep habarlaıdy QazAqparat tilshisi.

Shymkentte 2025 jylǵa deıin jalpy 68 675 oryndyq 54 mektep salynady dep josparlanyp otyr. Onyń ishinde, bıyl 18 mektep paıdalanýǵa beriledi. Nátıjesinde, úsh aýysymda oqytatyn 3 mekteptiń máselesi jańa oqý jylyna deıin tolyǵymen sheshiledi.

«Bala sany tyǵyz ornalasqan 11 turǵyn alaby úshin 21 mektep, «Jaıly mektep» pılottyq ulttyq jobasy sheńberinde 2025 jylǵa deıin 25 mektep, qosymsha qurylystar esebinen 29 mektep, jeke ınvestorlar esebinen 26 mektep salynady. Nátıjesinde, úsh aýysymda bilim beretin mektepter máselesin bıyl, al yńǵaılastyrylǵan ǵımarat, jańadan ashylǵan shaǵyn aýdandardaǵy mektep jaıy jáne synyp tolymdylyǵy joǵary mektepter máselesin 2025 jylǵa deıin tolyǵymen sheshý josparlanyp otyr» - dedi Janat Tájıeva.