Shymkentte UOS ardagerlerine 252 myń teńgeden berildi

ShYMKENT. QazAqparat - Shymkent qalasynda Uly Jeńistiń 74 jyldyǵyna oraı soǵysqa qatysqan maıdangerlerge 100 aılyq eseptik kórsetkish (AEK) kóleminde, ıaǵnı 252 500 teńge birjolǵy materıaldyq kómek berildi. Bul týraly qala ákiminiń baspasóz qyzmetine silteme jasap QazAqparat habarlaıdy.

Al ardagerlerge teńestirilgen jáne tyl ardagerlerine 5 AEK, ıaǵnı, 12 625 teńge mólsherinde birjolǵy áleýmettik qoldaý kórsetildi.

Ot pen oqtyń arasynan elge oralǵan maıdangerlerden búginde qalada 54 UOS ardageri ǵana qalǵan. Al, 4 276 adam - olarǵa teńestirilgender men tylda eńbek etkender.

«Urpaqtyń baqytty bolashaǵy men beıbit ómiri úshin shaıqasqan UOS ardagerlerine jyl saıyn áleýmettik qoldaý men qurmet kórsetilip keledi. Máselen, olarǵa medıtsınalyq kómek respýblıkalyq ári óńirlik deńgeıde aqysyz kórsetiledi. Sonymen qatar, jyl saıyn aǵa urpaq ókilderin saýyqtyrý maqsatynda 5 myńǵa jýyq jekelegen sanattaǵy azamattarǵa túrli saýyqtyrý ortalyqtaryna joldama beriledi. Budan bólek, 2000-nan astam UOS ardageri men tyl ardageri tegin baspasózge jazylýda» delingen habarlamada.

Aıta keteıik, Shymkentte soǵys ardagerlerine kógildir otynnan basqa kommýnaldyq qyzmettiń barlyǵy tegin kórsetiledi.