Shymkentte turmystyq tehnıka dúkeni men qoıma órtendi

ShYMKENT. QazAqparat- Shymkentte turystyq tehnıka dúkeni men qoıma órtendi, dep habarlaıdy QazAqparat tilshisi.

Tólebı kóshesinde ornalasqan «Temirlan» turmystyq tehnıka dúkeniniń shatyry men oǵan japsarlas soǵylǵan qoıma janyp ketti. Órttiń jalpy aýdany 800 sharshy metrdi qurady. Órt sóndirýshiler oqıǵa ornynan 5 gaz jáne 1 ottegi ballonyn qaýipsiz jerge alyp shyqty.

«Órtti sóndirýge Shymkent qalasy TJD Órt sóndirý qyzmetiniń 120 qyzmetkeri men 17 tehnıkasy, Apattar medıtsınasy ortalyǵy fılıalynyń 1 brıgadasy jumyldyryldy. Sondaı-aq, 6 adamnan turatyn qalalyq kommýnaldyq qyzmet brıgadasy 6 tehnıkamen sýdyń úzdiksiz jetkizilýin qamtamasyz etti. Psıholog mamandar halyqqa kómek kórsetti. Órttiń sebebi men materıaldyq zalaldyń mólsheri belgilenedi» delingen Shymkent qalasy TJD qoǵammen baılanys toby taratqan aqparatta.