Shymkentte túrmeden shyqqandardy qoldaý ortalyǵy ashyldy
Jazasyn ótep shyqqandar úshin arnaıy ashylǵan ortalyqta jumysqa ornalastyrý men qujattandyrý sııaqty birneshe qyzmet túrleri kórsetiledi.
Ult josparynyń 33-qadamyn júzege asyrý maqsatynda ashylǵan nysannyń ashylý saltanatynda oblys prokýrory Nurǵalym Ábdirov pen Qylmystyq-atqarý júıesi departamentiniń bastyǵy Ádilbek Dosmaǵambetov quttyqtaý sóz sóıledi.
Bas bostandyǵynan aıyrý oryndarynan bosatylǵan jáne probatsııa qyzmetiniń esebinde turǵan tulǵalarǵa áleýmettik-quqyqtyq kómek kórsetetin ortalyqtyń mańyzdylyǵyna toqtaldy. Munda kelýshiler endi medıtsınalyq járdem men zańgerlik aqyl-keńester ala alady. Ortalyq mamandary zeınetaqy jáne járdemaqylardy rásimdeýge de kómek beredi. Tirkeýge alynǵa azamattarǵa áleýmettik-quqyqtyq jáne ózge de kómekterdi kórsetý úshin turaqty top qurylǵan. Bul toptar tıisti jumystaryn júrgizý úshin ortalyqtyń ishinen bólek eki qyzmettik bólmeler qarastyrylyp, qajetti jıhazdarmen qamtamasyz etildi.
Saltanatty shara sońynda oblys ákimdiginiń Jergilikti polıtsııa qyzmetimen birlesip is-sharalar jospary bekitildi. Áriptestik, ózara qarym-qatynasty damytý jóninde yntymaqtastyq týraly kelisimderge qol qoıyldy.
Aıta keteıik, ázirge mundaı nysandar tek Shymkent qalasy men Shardara aýdanynan ashylyp otyr. Aldaǵy ýaqytta Túrkistan qalasy men Tólebı aýdanynan ashý josparlanýda.