Shymkentte týrısterge arnalǵan portal men mobıldik qosymsha iske qosyldy

ShYMKENT. QazAqparat - Shymkentte týrıster men qonaqtarǵa qajetti aqparat taratatyn «visit-shymkent.kz» týrıstik aqparattyq portaly men «visitshymkent» mobıldik qosymshasy iske qosyldy, dep habarlaıdy qalalyq ákimdiktiń baspasóz qyzmeti.

Atalǵan joba qalaǵa kelgen týrısterge aqparattyq qoljetimdilikti qamtamasyz etip, shahar aýmaǵynda uıymdastyrylatyn mańyzdy is-sharalarmen habardar etý úshin týrızm basqarmasy tarapynan júzege asyp otyr.

Portal men mobıldik qosymsha arqyly qalada ótetin merekelik is-sharalar men týrıstik nysandarǵa bıletti brondaý arqyly satyp alýǵa bolady.

Sonymen qatar, salalyq týrızm men týrıstik qyzmetter, ekskýrsııalar men týrlar, shoppıng, qonaq úıler men hostelder, áýe jáne temirjol bıletteri, kádesyı ónimderi, mádenıet pen óner týraly da aqparat alýǵa múmkindik beredi.