Shymkentte túngi klýbqa kelýshilerdiń shulyqtarynan esirtki tabyldy
11:21, 07 Qyrkúıek 2023
ShYMKENT. QazAqparat - Shymkentte polıtseıler túngi klýbqa kelýshilerdiń shulyqtarynan esirtki tapty, dep habarlaıdy QazAqparat Polisia.kz-ke silteme jasap.
Reıdtik is-sharalar barysynda esirtki qylmysyna qarsy kúres basqarmasynyń qyzmetkerleri qaladaǵy túngi klýbtardyń biriniń kireberisinde tyıym salynǵan zattar bar degen kúdikpen eki jasty toqtatqan.
Tekserý nátıjesinde 22 jastaǵy boıjetkennen untaqty zaty bar shaǵyn polıetılen paketi tabyldy. Tártip saqshylary dál osyndaı untaqty onyń 19 jastaǵy dosynan da tapty. Olar esirtkiniń bir rettik dozasyn qoldanyp kórý maqsatynda shulyqtaryna jasyrǵan.