Shymkentte týberkýlezben naýqastanǵan ustaz aýrýhanada oqshaýlanyp, em qabyldap jatyr
Shymkent qalasynda týberkýlezben naýqastanǵan muǵalim oqýshylarǵa sabaq berip kelgen.
Keshegi kúni №33 jalpy orta bilim beretin mekteptiń bastaýysh synyp muǵalimi týberkýlezge qarsy dıspanserge jatqyzyldy. Qazirgi tańda naýqas aýrýhanada oqshaýlanyp, em alýda. Jaǵdaıy turaqty.
«Shymkent qalasyndaǵy №33 jalpy bilim berý orta mektebiniń bastaýysh synyp muǵaliminen týberkýlez aýrýynyń ashyq túri anyqtalýyna baılanysty mektepte qorytyndy dezınfektsııalaý jumystary júrgizildi. Oqýshylar qalypty jaǵdaıda oqýlaryn jalǵastyrýda. Mektepte naýqaspen baılanysta bolǵandar anyqtalyp, medıtsınalyq baqylaýǵa alyndy. Shymkent qalasynyń sanıtarlyq-epıdemıologııalyq baqylaý departamenti jáne onyń basqarmalary aýrýdyń aldyn alý baǵytyndaǵy jáne indetke qarsy is sharalardy jalǵastyrýda» - delingen Shymkent qalasy sanıtarııalyq-epıdemıologııalyq baqylaý departamentiniń baspasóz qyzmeti taratqan aqparatta.