Shymkentte tórt toıhana shekteý talaptaryn saqtamaǵan

ShYMKENT. QazAqparat - Shymkentte 4 toıhana kóp adam jınalatyn is-sharalardy ótkizýge belgilengen shekteý talaptaryn saqtamaǵan, dep habarlaıdy QazAqparat Sanıtarlyq-epıdemıologııalyq baqylaý komıtetine silteme jasap.

Qazirgi ýaqytta Shymkent qalasy «jasyl» aımaqta ornalasqan, qaladaǵy epıdemıologııalyq jaǵdaı turaqty, koronavırýs ınfektsııasymen aýyrǵandar az tirkelgeni baıqalady.

«Qazirgi ýaqytta qoldanystaǵy Shymkent qalasynyń Bas memlekettik sanıtarııalyq dárigeriniń qazan aıyndaǵy №33 qaýlysynyń talaptaryna sáıkes saltanatty, estelik, otbasylyq (banket, úılený toıy, mereıtoılar) is-sharalaryn ótkizý úshin qyzmetkerler men kelýshilerdiń «jasyl mártebesi» bolýy kerek. Banket zaldary Ashyq jobasyna qatysqan jaǵdaıda jumys rejımi shektelmeı jumys isteýge ruqsat etiledi. Onda oryn 50% - ǵa deıin, 100 orynnan aspaıtyn jaǵdaıda ótkiziledi.

Basqa jaǵdaıda banketter men basqa da saltanatty is-sharalardy ótkizýge tyıym salynady», delingen habarlamada.

Osyndaı shekteýge qaramastan, Shymkent qalasynyń Bas memlekettik sanıtarııa dárigeriniń qaýlysynyń talaptaryn buzatyn obektiler bar (obektiniń qyzmetkerleri betperde rejımin saqtamaǵan jáne is-sharaǵa qatysýshy sany lımıtten asyp ketken.).

11 jeltoqsanda Qarataý aýdanyndaǵy Saıram eldi mekenindegi «Naýryz» toıhanasy, 18 jeltoqsanda «Jastar» toıhanasy, 19 jeltoqsanda Báıdibek bı kóshesinde ornalasqan «Alataý» toıhanasy jáne sol kúni Eńbekshi aýdanyndaǵy Erimbetov kóshesindegi «Dástúr» toıhanasynda toı ótkizilgen.

Anyqtalǵan quqyq buzýshylyqtar boıynsha kináli tulǵalardy ákimshilik jaýapkershilikke tartý máselesi qarastyrylyp jatyr.

«Shymkent qalasynyń «jasyl» aımaqta turaqty bolýyna qaramastan, kóp adam jınalǵan shara ótkizilýge bolmaıdy, sanıtarlyq-epıdemıologııalyq jáne karantın sharalary saqtalmasa jaǵdaı kez kelgen ýaqytta nasharlap ketýi múmkin», delingen habarlamada.