Shymkentte «Tik-Tok» jelisi arqyly zańsyz oıyn bıznesin uıymdastyrý faktisi anyqtaldy
Oqıǵa ornyn tekserý barysynda «ınternet jelisi arqyly tórt akkaýntpen «Trınka Shamaı» oıynyn 1995 jylǵy. azamattyń oınatqany anyqtaldy.
Óziniń jaýabynda ol tikeleı efır arqyly oınatqan TıkTok akkaýnttardy jáne aqsha qarajattarynyń túsýimen aýdarylýyn qadaǵalaıtyn bank kartasyn beıtanys azamattardan satyp alyp, paıda tabý maqsatynda zańsyz oıyn bıznesin uıymdastyrǵanyn atap kórsetti.
Qarap-tekserý barysynda uıaly baılanys telefondary, karta taratýǵa arnalǵan apparattar, oıyn kartalary, oıynshylardyń esimderi kórsetilgen tizim aıǵaqty zattar retinde tárkilenip alyndy.
Uıaly telefonda ornatylǵan bank qosymshasyna taldaý jasaý barysynda sońǵy bir aı ishinde jalpy aqsha qarajattarynyń aınalymy 15 mln teńge bolǵany anyqtaldy.
Buzýshylyqtyń mán-jaıy anyqtalýda. QR QPK 201-babyna sáıkes ózge aqparat jarııa etýge jatpaıdy.
«QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi»,-delingen habarlamada.