Shymkentte terrorlyq akt týraly jalǵan habar bergen adam 5 jylǵa sottalýy múmkin
Oqıǵa Naýryz aıynda bolǵan. «102» telefon nomerine habarlasqan kúdikti qaladaǵy dúkenderdiń birine bomba qoıylǵany týraly aıtqan. Oqıǵa ornyna jedel jetken polıtseıler ǵımaratty jáne oǵan irgeles aýmaqty tekserý kezinde eshqandaı jarylǵysh zat tappady. Sodan polıtseıler atalǵan jaıtty QR QK-niń 273-baby (Terrorızm aktisi týraly kórineý jalǵan habarlaý) boıynsha tirkedi. Sol kúni júrgizilgen jedel-izdestirý is-sharalarynyń nátıjesinde ekstremızmge qarsy kúres basqarmasynyń jedel ýákilderi qońyraý shalýshyny anyqtap, qolǵa túsirdi. Alaıda, kúdikti retinde ustalǵan 28 jastaǵy azamat óz kinásin moıyndamaǵan.
«Eki ret júrgizilgen fonoskopııalyq saraptama qorytyndysy er adamnyń qylmysqa qatysy baryn rastady. 27 shilde kúni kúdikti protsessýaldyq tártipte qamaýǵa alyndy. Qylmystyq is boıynsha jınaqtalǵan is-qujattar sotqa joldaý úshin ázirlenýde»-delingen Shymkent qalasy polıtsııa departamentiniń baspasóz qyzmeti taratqan aqparatta.
Polıtseıler daıyndalyp jatqan terrorızm aktisi týraly kórineý jalǵan habarlaý 5000 AEK mólsherinde aıyppul salýǵa ne sol mólsherde túzeý jumystaryna nemese bes jylǵa deıingi merzimde bas bostandyǵyn shekteýge nemese sol merzimge bas bostandyǵynan aıyrýǵa alyp keletinin eskertedi.