Shymkentte Táýelsizdik kúni qarsańynda qaıyrymdylyq sharasy ótti

ShYMKENT. QazAqparat – Shymkenttik bas dáriger Mádına Ermahanbetova tul jetim jáne áleýmettik jaǵdaıy tómen otbasylardyń balalaryna arnap qaıyrymdylyq sharasyn ótkizdi. Medıtsına qyzmetkeri jetkinshekterge merekelik dastarhan jaıyp, ata-analaryna azyq-túlik taratty, dep habarlaıdy QazAqparat tilshisi.

Kezdesýde Madına Ermaǵanbetova balalardy 16 jeltoqsan – Qazaqstan Respýblıkasynyń Táýelsizdik kúnimen quttyqtap, ótkizilgen sharanyń maqsaty balalarǵa qýanysh syılaý ekenin jetkizdi. Búldirshinderge aldaǵy ýaqytta sáttilik tilep, jyly lebizin bildirdi. Olarǵa túrli syılyqtar úlestirdi.

«Balalarymyzǵa qamqorlyq kórsetip, olardyń boıyna meıirimdilik, qaıyrymdylyq uǵymdaryn qalyptastyrǵymyz keldi. Jetkinshekterdi kishipeıildilikke, baýyrmaldyqqa baýlýǵa úles qosýdy maqsat tuttyq»,- deıdi Madına Ermaǵanbetova.

Aktsııaǵa arnaıy kelgen «Ońtústik tsırk» ujymy da balalardyń kóńil-kúıin kóterýge arnalǵan damytýshylyq oıyndaryn oınatyp, is-sharanyń kórkin qyzdyrdy.

Aıta keteıik, qalalyq gıperbarııalyq ottekteý ortalyǵynyń bas dárigeri Madına Ermaǵanbetovanyń bastasymen Táýelsizdik kúnine oraı balalarǵa arnalǵan qaıyrymdylyq aktsııasy jyl saıyn uıymdastyralyp keledi.