Shymkentte taraǵan saılaý ýchaskesiniń hattamalyq qorytyndysy týraly aqparat - jalǵan

ShYMKENT. QazAqparat - Saılaý ýchaskesiniń hattamalyq qorytyndysy týraly áleýmettik jelide taraǵan aqparat shyndyqqa janaspaıdy. Bul týraly Shymkent qalalyq aýmaqtyq saılaý komıssııasynyń tóraǵasy Qaıyrbek Qunanbaev málimdedi, dep habarlaıdy QazAqparat tilshisi.

Keshegi kúni Shymkent qalasyndaǵy saılaý ýchaskeleriniń birinde daýys berý qorytyndysy týraly hattamanyń aldyn ala daıyndalǵany týraly aqparat taraǵan bolatyn. Tipti, qaı depýtattyń qansha daýys alǵany týraly málimet áleýmettik jelide tarap ketti.

Aqparattyń jalǵan ekendigin aıtqan Shymkent qalalyq aýmaqtyq saılaý komıssııasynyń tóraǵasy Qaıyrbek Qunanbaev vıdeoúndeý jasady.

«Áleýmettik jelilerde taralyp jatqan saılaý ýchaskeleriniń qorytyndy hattamalary boıynsha vıdeorolıkterdiń shyndyqqa janaspaıtyndyǵyn habarlaımyn. Ondaǵy qujattar myjylǵan jáne eshqandaı qoltańba men mór qoıylmaǵan. Rolıkte kórsetilgen málimetter arandatý dep esepteımin. Saılaý ýchaskesinde tıisti hattamaǵa qoıatyn mórler seıfte saılaý bastalǵanǵa deıin saqtalady. Hattamalar tek saılaý qorytyndysyna sáıkes toltyrylady jáne nátıjesi jarııalanady. Atalǵan máseleni quzyrly organ tekserip quqyqtyq baǵa beriledi»-dedi ol.