Shymkentte Təýelsizdik jetistikteri fotosýrettermen kórsetildi

ASTANA. QazAqparat - Búgin Shymkent qalasyndaǵy «Shymkent Plaza» saýda oıyn-saýyq ortalyǵynda «Təýelsizdik tuǵyryn bekitken Elbasy» atty fotokórme ashyldy. Prezıdent kúnine arnalǵan is-sharanyń  barysynda táýelsizdiktiń alǵashqy kúnderinen búginge deıin elimizdiń turaqty damýyna negiz bolyp kele jatqan Memleket basshysynyń óz saıasaty men ıdeıasynyń aınalasyna qoǵamdy toptastyra alǵandyǵyn kórsetetin, Təýelsizdik jetistikterin beıneleıtin shamamen 50-ge jýyq sýret usynyldy. Bul týraly OQO ákimdiginen málim etti.

Sondaı-aq kórmede Ult kóshbasshysynyń kópultty, kópkonfessııaly, táýelsiz, demokratııalyq Qazaqstannyń qalyptasýy men tutastyǵyn saqtaýdaǵy róli, Qazaqstannyń syrtqy, ishki saıasattaǵy jetistikteri jəne Memleket basshysynyń basqarýymen respýblıkamyzdyń san-salaly, kópqyrly damýy kórsetildi.

Atalǵan is-sharaǵa oblys əkimi J.Túımebaev, oblys əkimdiginiń ókilderi, Shymkent qalasynyń əkimi N.Saýranbaev, qala turǵyndary men qonaqtary qatysty.

Kórme  merekelik kontserttik baǵdarlamamen ulasty.