Shymkentte suıytylǵan gazdy kontrabandalyq jolmen satqan kásiporyn dırektory sottaldy
Bul týraly QazAqparat QR Qarjylyq monıtorıng agenttiginiń baspasóz qyzmetine silteme jasap habarlaıdy.
Tergeý 2020-2021 jyldar kezeńinde Shymkent qalasy kásiporyndary biriniń dırektory G.Cherkasova belgisiz tulǵalardan suıytylǵan gazdy olardyń shyǵý zańdylyǵyn rastaıtyn qujattarsyz satyp alǵanyn anyqtady.
Sodan keıin G. Cherkasova Ózbekstan men Tájikstanǵa 146 mıllıon teńgeden astam somadaǵy salmaǵy 966 tonnadan asatyn suıytylǵan gazdy zańsyz eksporttaǵan.
EAEO kedendik shekarasy arqyly shyǵarý kezinde ol jalǵan sharttar men taýardyń shyǵý tegi týraly qujattardy paıdalandy.
Tergeý barysynda qujattardy qoldan jasaý jáne jalǵan kórsetilgen kompanııalarmen ózara esep aıyrysýdyń bolmaǵandyǵy rastaldy.
«G.Cherkasovaǵa 4,3 mıllıon teńge kóleminde aıyppul salyndy. Sondaı-aq, azamatshadan sot kontrabandalyq taýardyń qunyn óndirip almaq»,-delingen habarlamada.